لك طعنه من بقايا طعناتك

[ولـد الشـرقيه]

لا جيت ابنسى واتراجـع واسامحـك
صاحن جروحي واشتكن لي طعونك!!

كلك خيانه !! قول وشلـون ابمنحـك
وش موقفك من شخص دايم يخونك!!

اكبر خطا.. لو جيت يمك اصالحـك
اول تحـول لاتغـرك .. إلحـونـك

اللي تقوله صح لـو كنـت جارحـك
(مير) انت غارق للاسف في ظنونك

وصفك نسيته بس .. باقي ملامحـك
بنهيك وانهـي بالنهايـه .. جنونـك

ماتستحق امـد (كفـي) واصافحـك
مثلك غلط عمري وابحيا .. بدونـك

لعبت دورك شاهدات(ن) مسارحـك
خدعتني واظهرت خافـي فنونـك!!

كنت اعتقد قلبي هو ابرز مطامحـك
اللي يبيع النـاس .. لجلـه يصونـك

تعبت اسوق الشوق يمك واصارحـك
اخلصت لك بالحب شوفـت عيونـك

لكن خسارة صرت غايـة مصالحـك
ياليتني ماجيـت لحظـه .. بكونـك

بالامس كنت بنشوة الحب .. امازحك
اخيـل برقـك واتحـرى امـزونـك

واليوم من صفحة حياتـي ابمسحـك
هديت صرحك ثم طاحـت ركونـك

ولابي عيوني لو تصـورت تلمحـك
اعلنت موتك .. وانسجن لي كفونـك

وان جيت تطلب ترتجيني .. اسامحك
بهديك طعنه .. من بقايا .. طعونك!!


تقبلوا عبق التحايا الوديه الصادقه

[كلي مشاعر]

كلك خيانه !! قول وشلـون ابمنحـك
وش موقفك من شخص دايم يخونك!!



كلماتك تجعلنى اقف صامته....اتأمل ماخطت يداك من أبداع

قصيده رائعه بمعنى الكلمه....وتعكس روعه قلمك ....

اشكرك...

ودمت مبدع...

[ســـارونة]

يعطيك عافيه يا الغلااااااا كلمااات في قمة روعة

[ولـد الشـرقيه]

مشكوره ""كلي مشاعر"" والأروع مرورك وطلتك
مشكوره ""سارونه""والله يعافيك قمه الروعه طلتك بصفحتي
مشكورين والله لا يحرمني من طلتكم

[دلع بــنــوتــهــ]

قصيده في قمة الروعه وهذا دليل على ذوقك
بانتظارالقصائد الجديده

http://up3.m5zn.com/get-5-2008-3skc6kkz3hi.gif (http://up3.m5zn.com/showimage-5-2008-3skc6kkz3hi.gif)

[ولـد الشـرقيه]

الأروع مروركـ ""انا طبعي كذا"" والله لا يحرمني من طلتكـ ىاللي تجنن بي