نَسِـ اللَيْلْ ـيمُ
06-18-2007, 04:43 PM
(( بسم الله الرحمن الرحيم ))
اهلا ومرحبا بكم في حلقة جدية من كاميرة بحور الخفية : .. اليوم نعرض لكم صيدة عضوه من منتدى يااااي .. وهي ( نجم الليل ) صادتها كاميرة البرنامج في موقف .. خطير ... صدناها وهي خارجة من الكلية وواقفه على الرصيف تنتظر السواق يمر عليها (( سواق مفهي )) كان طاقم التصوير يرصد احداث الحلقة من خلف سيارة ( فليت ) (( فاطسين من الريحه ))... و( نجم الليل ) كانت واقفه تنتظر السواق .. لأن الدكتور ما حضر المحاضرة فا سرحتهم الجامعة بدري .. والمشكلة ان جوالها بطاقة سوى ..وفاضيه بسبة المكافآة اللي تتأخر ولا تصرف في وقتها .. لذلك كانت ( نجم الليل)تعاني .. من شحن بطاقة جوالها تشحنها على السلف الين تطلع المكافأة (( قمة الطفرة طبعا وخدمة كول مي مخلصه ))
على العموم يا قراء ما ودنا نطول عليكم .. ونخليكم تستمتعون مع الحلقة... ونشكر المنتج اللي تكرم وجاب ممثله لعبت الدور صح .. جاب ممثله امريكيه صاعده ولها مستقبل موعود الممثلة : ( mooon ) : .. نخليكم مع الاحداث .
* * * (نجم الليل والكاميرة الخفية ) * * *
كنا جالسين ورى سيارة الفليت .. صراحه كان المكان مكشوف .. وما لقينا إلا المكان هذا نرصد منه المشهد .. المهم جلسنا ننتظر ( نجم الليل ) تطلع وحنا ننتظر ذبحنا الذبان .. كان الذبان في هذيك المنطقه من النوع المهاجم مهوب مدافع يعني ينشب في الوجه ما يطلع الا لازم تشيله بيدك والا تكتف أجنحته ثمن تقشعه بقوة .. وحنا جالسين نهش الذبان .. طلعت ( نجم الليل ) من الكلية ومعها شنطة يد مثل اللي يشيلونها المعقبين في الجوازات...طلعت وعليها كعب عالي وهي طويله من الاساس يعني صراحه من طولها ناقصها ثلاث لبمات على الجنب وتصير اشارة ضوئية
أول ما شفتها فهمت الممثلة ( mooon ) وش تقول ثمن ارسلتها.. راحت ( mooon) بسرعة.. وقربت عند ( نجم الليل ) ووقفت جمبها .. وجلست تسوي نفسها تناظر الطبيعة ((امحق طبيعه عند الجامعه ثلاث نخلات وكل واحده مايله )).. اللي يشوفها يقول فيها كساح.. قربت الممثلة ( mooon ) .. وقامت تكح وتكح وتكح .. ثمن طاحت على الارض قدام ( نجم الليل) طاحت وهي تكح وتتلوى على الارض كنها ثعبان حاجرينه بزارين ..شافت ( نجم الليل ) البنت طايحه قدامها قربت منها وجلست تصارخ .. وش فيك هاه .. والممثلة ( mooon) تقول لها ارجوك حطي يدك الثنتين على رقبتي احس بألم .. امسكي ارقبتي بيدك الثنتين على شان يتعدل راسي .. هي قالت كذا على طول جت ( نجم الليل ) وحطت يدها الثنتين على رقبت ( mooon) .. كانت .. ( نجم الليل ) مرعوبه كأنها اسير حرب مسكر عليه جميع منافذ الهروب..
المهم وهي حاطه يدها عليها جيت انا .. وقلت .. فيه شي يا اخوان ..اول ما قلت كذا .. صرخت الممثلة ( mooon ) بموت وقامت تكح وتنافضت شوي ثمن انقطع صوتها .. وهجدت حركتها .. هنا انا عاد قربت من ( mooon ) وسويت نفسي افحصها وافحص نبضها .. ثمن ناظرت (نجم الليل ) وقلت لها بصوت عالي وش سويتي قتلتي البنت .. خنقتيها الين ماتت .. وين بتروحين من يد العدالة .. انا لازم ابلغ الشرطة .. وانا اتكلم كانت (نجم الليل ) مطيرة عيونها .. (( مهوب منها من الخوف ساح وجها )) وكأنها مهيب مصدقه اي شي .. يعني صارت بين قوسين في وضع المجنونه ... قامت تخرف وترمي كلام ما تدري عنه وتأشر.. انا ماسويت شي هي اللي قالت لي حطي يدك على رقبتي..انا ما قتلت .. انا اصلا ما اعرف اذبح دجاجة (( عشان يدها كلها يسار )) .. قمت ورحت ابمسكها
أول ما قربت منها على طول قامت تركض .. من قوة الركض اتوقع لو اركب سيارة لومينا ما قدرت الحقها .. كانت تركض بخوف .. وهي تركض كان قدامها بيت الجيران .. أول ما شافت البيت في وجها من الخوف طمرت السور حق الجيران وجلست فوقه .. وانا وراها ابي اقولها كنت معنا في برنامج اسمه كاميرة ياااي الخفية وكانت الشغلة كلها تمثيل في تمثيل ... بس ما قدرت (( طايرة كنها اف خمسة عشر ))
وصلت وكل الطاقم وصل للسور وجلسنا نكلمها ..انزلي يا ( نجم الليل) (( سوينا مؤتمر القمة عند السور )) .. وهي تقول لا ما راح انزل تبون تسلموني للشرطة كانت تتكلم وهي تبكي .. حسيت ان موية ادموعها طلعت سالت على الجدار (( نهر دجلة نازل من وجها )).. من كثر ما بكت .. قلت لها انزلي .. ناظرتنا وقالت .. مانيب نازله أنا عمري ماشفت يوم حلو في حياتي حتى وأنا صغيرة كنت اروح مع ابوي البقاله مكان يشتريلي شي كنت دايم اقوله يبه أنا احب المارس يقولي تحبينه أوقله إيه احبه .. احبه .. يقولي خذي حبيه ورجعيه مكانه على الرف .. قلت لها يا ( نجم الليل ) انزلي وأنا اجيب لك كرتون مارس .. قالت لا اخاف من الشرطه تجي .. قلت لها ما فيه شرطة ولا شي انزلي.. وانا اكلمها طمرت داخل البيت .. اول ما طمرت .. قلت ( fares ) اطمر فوق السور وافتح لنا الباب
طمر (fares ) من فوق السور كنه بريعصي منحاش من زبيريه .. اول ما نزل من الجهه الثانية .. على طول سمعنا صرخة .. صرخة واحد كأنه طايح من فوق السطح .. ثمن هجد الصوت .. حسيت ان فيه شي صار .. جلست أنادي بأعلى صوتي (فارررررررررررس ) انبح صوتي ما رد علي .. ناديته بكل الاسامي اللي يفضلها يا فارس ، يا قرد ، يا الخبل ، يا السبهه ، يا المعتوه .. رد علي .. ما رد .. اضطريت اني اتسلق السور .. واول ما صعدت شفت ( fares ) ممد على الارض وراسه مورم و جمبه واقفه ( نجم الليل ) معها لوح خشب قد الباب وكشتها طايره (( كن راسها توه مطلع من غساله بابطين ) .. انا شفتها وقلت لها على طول يا ( نجم الليل ) هدي اعصابك .. ولا تنفعلين انت كنتي معنا في برنامج كاميرة ياااي الخفية ... ناظرتني وقالت لي تستخف دمك معي .. تبيني اطلع على شان تمسكني هاه .. قلت لها .. يا ( نجم الليل ) حنا سوينا المشهد هذا كفقرة كوميديه ... حتى شوفي الممثلة هذي عايشة قدامك ما ماتت .. وانا اتكلم رفعت الممثلة لها .. اول ما شافتها .. قالت وهي تضحك ضحك هستيري وتقول متى رجعتي للحياة ..هاه .. انت حية ما متي
قالت كلامها هذا وطلعت من البيت و (fares) ممد على البلاط .. كنه صرصور (( كلهم نفس الشوارب )).. مضيع بيته وثابت في محله .. طلعت ( نجم الليل ) وهي توزع ابتسامات .. كأن المنتخب فايز على المانيا ثمانية صفر ( ايه هين ) .. جت عندي وقالت بالله كان تمثيل..هاه .. ناظرتها وابتسمت .. وقلت إيه كان تمثيل .. قالت بالله كان تمثيل اجل هاه. ..وانا اضحك واقول إيه كان تمثيل .. وقالت يا الله عليك كان تمثيل...وانا اضحك وقلت إيـــــ طخخخخخخخ ما امداني اكمل كلامي إلا جتني الشنطة تمشي مليون في وجهي .. صراحه ضربة
الشنطة كانت شديدة لأنها كانت مليانه عطورات .. انا من قوة الضربه اغمي علي .. جلست اربعة ايام ما اعرف اهلي .. ويوم صحيت قالولي الزملاء انها تتأسف على التصرف اللي صدر منها ... وانها كانت في وضع لا تحسد عليه .. قلت انا عادي .. عادي .. قمت اتكلم وانا وجهي طايح من قوة الضربه .. كل وجهي جاي يمين لم جهة القبله ...
هكذا يا اعضاء كان الموقف .... بصعوبة تقبلت ( نجم الليل ) المقلب .. ولكن طلبت ان نذيع هذه الحلقة .. واتمنى ان تكون قد حازت على رضائك.
(( النهــــاية ))
اهلا ومرحبا بكم في حلقة جدية من كاميرة بحور الخفية : .. اليوم نعرض لكم صيدة عضوه من منتدى يااااي .. وهي ( نجم الليل ) صادتها كاميرة البرنامج في موقف .. خطير ... صدناها وهي خارجة من الكلية وواقفه على الرصيف تنتظر السواق يمر عليها (( سواق مفهي )) كان طاقم التصوير يرصد احداث الحلقة من خلف سيارة ( فليت ) (( فاطسين من الريحه ))... و( نجم الليل ) كانت واقفه تنتظر السواق .. لأن الدكتور ما حضر المحاضرة فا سرحتهم الجامعة بدري .. والمشكلة ان جوالها بطاقة سوى ..وفاضيه بسبة المكافآة اللي تتأخر ولا تصرف في وقتها .. لذلك كانت ( نجم الليل)تعاني .. من شحن بطاقة جوالها تشحنها على السلف الين تطلع المكافأة (( قمة الطفرة طبعا وخدمة كول مي مخلصه ))
على العموم يا قراء ما ودنا نطول عليكم .. ونخليكم تستمتعون مع الحلقة... ونشكر المنتج اللي تكرم وجاب ممثله لعبت الدور صح .. جاب ممثله امريكيه صاعده ولها مستقبل موعود الممثلة : ( mooon ) : .. نخليكم مع الاحداث .
* * * (نجم الليل والكاميرة الخفية ) * * *
كنا جالسين ورى سيارة الفليت .. صراحه كان المكان مكشوف .. وما لقينا إلا المكان هذا نرصد منه المشهد .. المهم جلسنا ننتظر ( نجم الليل ) تطلع وحنا ننتظر ذبحنا الذبان .. كان الذبان في هذيك المنطقه من النوع المهاجم مهوب مدافع يعني ينشب في الوجه ما يطلع الا لازم تشيله بيدك والا تكتف أجنحته ثمن تقشعه بقوة .. وحنا جالسين نهش الذبان .. طلعت ( نجم الليل ) من الكلية ومعها شنطة يد مثل اللي يشيلونها المعقبين في الجوازات...طلعت وعليها كعب عالي وهي طويله من الاساس يعني صراحه من طولها ناقصها ثلاث لبمات على الجنب وتصير اشارة ضوئية
أول ما شفتها فهمت الممثلة ( mooon ) وش تقول ثمن ارسلتها.. راحت ( mooon) بسرعة.. وقربت عند ( نجم الليل ) ووقفت جمبها .. وجلست تسوي نفسها تناظر الطبيعة ((امحق طبيعه عند الجامعه ثلاث نخلات وكل واحده مايله )).. اللي يشوفها يقول فيها كساح.. قربت الممثلة ( mooon ) .. وقامت تكح وتكح وتكح .. ثمن طاحت على الارض قدام ( نجم الليل) طاحت وهي تكح وتتلوى على الارض كنها ثعبان حاجرينه بزارين ..شافت ( نجم الليل ) البنت طايحه قدامها قربت منها وجلست تصارخ .. وش فيك هاه .. والممثلة ( mooon) تقول لها ارجوك حطي يدك الثنتين على رقبتي احس بألم .. امسكي ارقبتي بيدك الثنتين على شان يتعدل راسي .. هي قالت كذا على طول جت ( نجم الليل ) وحطت يدها الثنتين على رقبت ( mooon) .. كانت .. ( نجم الليل ) مرعوبه كأنها اسير حرب مسكر عليه جميع منافذ الهروب..
المهم وهي حاطه يدها عليها جيت انا .. وقلت .. فيه شي يا اخوان ..اول ما قلت كذا .. صرخت الممثلة ( mooon ) بموت وقامت تكح وتنافضت شوي ثمن انقطع صوتها .. وهجدت حركتها .. هنا انا عاد قربت من ( mooon ) وسويت نفسي افحصها وافحص نبضها .. ثمن ناظرت (نجم الليل ) وقلت لها بصوت عالي وش سويتي قتلتي البنت .. خنقتيها الين ماتت .. وين بتروحين من يد العدالة .. انا لازم ابلغ الشرطة .. وانا اتكلم كانت (نجم الليل ) مطيرة عيونها .. (( مهوب منها من الخوف ساح وجها )) وكأنها مهيب مصدقه اي شي .. يعني صارت بين قوسين في وضع المجنونه ... قامت تخرف وترمي كلام ما تدري عنه وتأشر.. انا ماسويت شي هي اللي قالت لي حطي يدك على رقبتي..انا ما قتلت .. انا اصلا ما اعرف اذبح دجاجة (( عشان يدها كلها يسار )) .. قمت ورحت ابمسكها
أول ما قربت منها على طول قامت تركض .. من قوة الركض اتوقع لو اركب سيارة لومينا ما قدرت الحقها .. كانت تركض بخوف .. وهي تركض كان قدامها بيت الجيران .. أول ما شافت البيت في وجها من الخوف طمرت السور حق الجيران وجلست فوقه .. وانا وراها ابي اقولها كنت معنا في برنامج اسمه كاميرة ياااي الخفية وكانت الشغلة كلها تمثيل في تمثيل ... بس ما قدرت (( طايرة كنها اف خمسة عشر ))
وصلت وكل الطاقم وصل للسور وجلسنا نكلمها ..انزلي يا ( نجم الليل) (( سوينا مؤتمر القمة عند السور )) .. وهي تقول لا ما راح انزل تبون تسلموني للشرطة كانت تتكلم وهي تبكي .. حسيت ان موية ادموعها طلعت سالت على الجدار (( نهر دجلة نازل من وجها )).. من كثر ما بكت .. قلت لها انزلي .. ناظرتنا وقالت .. مانيب نازله أنا عمري ماشفت يوم حلو في حياتي حتى وأنا صغيرة كنت اروح مع ابوي البقاله مكان يشتريلي شي كنت دايم اقوله يبه أنا احب المارس يقولي تحبينه أوقله إيه احبه .. احبه .. يقولي خذي حبيه ورجعيه مكانه على الرف .. قلت لها يا ( نجم الليل ) انزلي وأنا اجيب لك كرتون مارس .. قالت لا اخاف من الشرطه تجي .. قلت لها ما فيه شرطة ولا شي انزلي.. وانا اكلمها طمرت داخل البيت .. اول ما طمرت .. قلت ( fares ) اطمر فوق السور وافتح لنا الباب
طمر (fares ) من فوق السور كنه بريعصي منحاش من زبيريه .. اول ما نزل من الجهه الثانية .. على طول سمعنا صرخة .. صرخة واحد كأنه طايح من فوق السطح .. ثمن هجد الصوت .. حسيت ان فيه شي صار .. جلست أنادي بأعلى صوتي (فارررررررررررس ) انبح صوتي ما رد علي .. ناديته بكل الاسامي اللي يفضلها يا فارس ، يا قرد ، يا الخبل ، يا السبهه ، يا المعتوه .. رد علي .. ما رد .. اضطريت اني اتسلق السور .. واول ما صعدت شفت ( fares ) ممد على الارض وراسه مورم و جمبه واقفه ( نجم الليل ) معها لوح خشب قد الباب وكشتها طايره (( كن راسها توه مطلع من غساله بابطين ) .. انا شفتها وقلت لها على طول يا ( نجم الليل ) هدي اعصابك .. ولا تنفعلين انت كنتي معنا في برنامج كاميرة ياااي الخفية ... ناظرتني وقالت لي تستخف دمك معي .. تبيني اطلع على شان تمسكني هاه .. قلت لها .. يا ( نجم الليل ) حنا سوينا المشهد هذا كفقرة كوميديه ... حتى شوفي الممثلة هذي عايشة قدامك ما ماتت .. وانا اتكلم رفعت الممثلة لها .. اول ما شافتها .. قالت وهي تضحك ضحك هستيري وتقول متى رجعتي للحياة ..هاه .. انت حية ما متي
قالت كلامها هذا وطلعت من البيت و (fares) ممد على البلاط .. كنه صرصور (( كلهم نفس الشوارب )).. مضيع بيته وثابت في محله .. طلعت ( نجم الليل ) وهي توزع ابتسامات .. كأن المنتخب فايز على المانيا ثمانية صفر ( ايه هين ) .. جت عندي وقالت بالله كان تمثيل..هاه .. ناظرتها وابتسمت .. وقلت إيه كان تمثيل .. قالت بالله كان تمثيل اجل هاه. ..وانا اضحك واقول إيه كان تمثيل .. وقالت يا الله عليك كان تمثيل...وانا اضحك وقلت إيـــــ طخخخخخخخ ما امداني اكمل كلامي إلا جتني الشنطة تمشي مليون في وجهي .. صراحه ضربة
الشنطة كانت شديدة لأنها كانت مليانه عطورات .. انا من قوة الضربه اغمي علي .. جلست اربعة ايام ما اعرف اهلي .. ويوم صحيت قالولي الزملاء انها تتأسف على التصرف اللي صدر منها ... وانها كانت في وضع لا تحسد عليه .. قلت انا عادي .. عادي .. قمت اتكلم وانا وجهي طايح من قوة الضربه .. كل وجهي جاي يمين لم جهة القبله ...
هكذا يا اعضاء كان الموقف .... بصعوبة تقبلت ( نجم الليل ) المقلب .. ولكن طلبت ان نذيع هذه الحلقة .. واتمنى ان تكون قد حازت على رضائك.
(( النهــــاية ))