قصه روعه

[بقايا جروح]

هذي اول مره اكتب فيها قصه وانشا الله تنال اعجابكم

وابغا ردودكم بصراحه::


بسم الله الحمن الرحيم
&&(الجزء الأول)&&
هذي قصة صديقتين(ريم و تهاني) من اولى ابتدائي وهم مع بعض واللحين هم في اول جامعه تخصص محاسبه
ريم في السياره عند بيت تهاني تنتظرها تطلع شوي الا يطلع واحد من البيت رزه ويهبل ريم بققت عيونها في المزيون طبعا السياره مغيمه
وهي سرحانه ما درت الا صفقت باب السياره
ريم:وجع ماتعرفين تصكين الباب
تهاني:الواحد يسلم بالاول بعدين يهاوش
ريم:سوري المهم من المزيون المكشخ اللي طلع من بيتكم
تهاني:شفتيه
ريم:ياويل قلبي يهبل
تهاني:ههههههههههههه
هذا سواقنا الجديد ههههههه
ريم:كذابه من جد وانا قلت لقيت فارس احلامي مالت عليكم فيه احد يجيب سواق حلو
تهاني:ليه
ريم: علشان اتدورون شغالتكم تلقونها مرتزه عنده
تهاني :ليته على شغالتنا ويهون لا نلقى ناس ثانيه مرتزه عنده
ريم:وجع بس لا تقولين للبنات اني قلت انه فارس احلامي
وقعدوا يسولفون لحد ما وصلوا الجامعه واول ماوصلوا اتصلت فيهم لمى (صديقتهم من الجامعه تعرفوا عليها حبوبه وتهبل)
لمى:وينكم ياالدبات نستناكم من اليوم
ريم:طيب احنا جايين انتم وين
لمى:عند مبنى الدراسات العليا لقينا مكان يهبل يله باي صرفتي علي
ريم :باي ياقعيطيه
وصلوا البنات عند الشله وجلسوا يفطرون من الفطور الي جابته لمى (نسيت اقول انها طباخه خطيره)
تهاني :ام ام الأكل يهبل تسلم ايدك يالم لم
ريم:ههههههه شوفي شكلها مشفوحه على الأكل الله يقرففففك تهاني امسحي الأكل اللي على فمك
تهاني:كذابه مافيه شي وحطت يدها على فمها تتأكد
ساره(معهم في الشله بنت اخلاق وذوق وما تحب تغلط على احد):هههه لا والله مافيك شي ريم تكذب عليك
تهاني:اصلا ادري مايحتاج
وظلوا البنات ضحك وسواليف
بعدين راحوا محاضراتهم
ولمى خلصوا ودعوا بعض وكل وحده ركبت سيارتها
وفي السياره ريم وتهاني
تهاني:بليز بليز ريم تعالي تغدي عندي والله اغديك اللي تبينه
ريم :والله مااقدر اخوانك فيه استحي
تهاني:يالهبلى اخواني موفيه
بيروحون مع خالي
ريم:صدق لااستحي كل يوم وانا ناطه عندكم
تهاني:ياحليلك وانا طيب كل يوم ناطه عندكم ما استحيت
ريم :طيب طيب بستأذن من امي
تهاني:اخيرا انهد حيلي وانا احاول فيك
راحت ريم بيت تهاني وتغدوا
وقعدوا يسولفون بعدين لما جاء المغرب
ريم:خلاص يالله باتصل في السواق يجي بروح بيتنا
تهاني:بتروحين نامي عندنا ريووم
ريم:لا والله ما اقدر خلاص امي في البيت ماعندها احد
تهاني:انقلعي احسن
ريم:زعلتي تونه حبيتي
تهاني تسوي نفسها زعلانه:ايه
ريم:زعل ابو جعل
ريم قالت كلمتها وانطلقت تركض تحت وهي تناظر ورى
الا وطرطب صقعت في العمود اللي في الصاله وفجأه صوت ضحكه رفعت نفسها بسرعه وتغطت ويوم شافت مصدر الصوت لقته السواق المزيون جنب الباب انهبلت شلون يدخل السواق في البيت لا ويضحك عليها
ريم وهي طايح وجهها بس الحمدلله الأضرار قليله اللي شافها سواق مو احد ثاني:انت ليه يدخل بيت عيب
السواق :مارد عليها ولا عبرها
ريم:انت ما يسمع يوووه شكله ما يفهم عربي حسافه انك تخقق
السواق:الله يسلمك مو اول وحده تقول اني اخقق
ريم طاح وجهها وماعاد تدري وين تروح راحت تركض لغرفة تهاني وهي خلاص تبغى الأرض تنشق وتبلعها
وعالطول وصلت الغرفه ورمت نفسها عالسرير وتبكي
تهاني انهبلت :وشفيك وشفيك
تبكين
ريم:حماره كلبه ليه ما قلتيلي
تهاني وزادت حيرتها:اقولك ايش
ريم : اللي قلتيلي سواق وشو
تهاني:خالي مشاري يووه صدقتي انه سواق يالخبله
ريم:ليه كذبتي علي وجع حماره وقالتلها السالفه كلها
تهاني:ههههههه فله وناسه شافك
ريم:لا مااتوقع الا ان كان سيقاني بس والله طيحت وجه شافني منبطحه على الارض ولا اقوله تخقق يووه ورجعت مره ثانيه تبكي من الفشيله
تهاني:يابنت الحلال ماتسوى السالفه كل هذا البكي
ريم:انت النذله ليه كذبتي علي
تهاني:اصلا خالي والله ما يتكلم كثير لا تخافين ماراح يقول لأحد انك تنحه ومرجوجه ياربي بس خلاص لا عاد تبكين نامي عندنا
ريم وهي تبكي:انقلعي انام عندكم هذا اللي ناقص روحي شوفي الصاله فيها احد ابغى اروح
تهاني:طيب طيب انا الغلطانه اللي اعزمك
وراحت تهاني للصاله تشوف فيه احد ولقت خالها قاعد فيها
تهاني:خالي ليه قاعد في الصاله ماانت طالع
مشاري:لا
تهاني وتحاول تصرفه:العيال وين ورى مارحت معهم
مشاري:مزاج
تهاني :خالي عيب البنت بتطلع وانت لاصق في الصاله
مشاري:ههههه الخبله اللي صقعت بالعمود والله رجه بنات هالايام
تهاني:مااسمحلك تقول عنها خبله ويله خالي اطلع البنت بتروح بيتها
مشاري:وانا رادها خلها تطلع ولك اغمض عيوني علشان اذا صكت في العمود مره ثانيه مااشوف سيقانها
تهاني:خاااالي حرام عليك
مشاري:والله ماني طالع عناد
تهاني:مافيك اي امل بروح احاول فيها
ورقت فوق عند ريم تحاول فيها تطلع ومشاري في الصاله
تهاني:انت للحين تبكين يالله اطلعي خالي بس اللي في الصاله وتعهد انه يسكر عيونه
ريم باستهزاء:احلفي بس هو اللي في الصاله
تهاني:ياربي وش اسويلك طيب رفض رفضا قاطعا انه يطلع
ريم:طيب في باب ثاني مايمر على الصاله
تهاني:مافيه حل الا الشباك
ريم:روحي قوليله يطلع حاولي يمكن ربي يهديه
تهاني:انشاء الله عمتي ريم صرت مرسال بس كل شي يهون علشان خاطرك
ريم:الله يسلمك بس روحي
راحت تهاني وهي خلاص تافله العافيه تقول واخرتها معهم هذول
ويوم نزلت للصاله مالقت فيها احد
تهاني:خالي خالي شكله موفيه اخيرا حس على دمه وراح
وراحت قالت لريم انه راح
وريم ماصدقت خبر طيران على بيتهم